អន្តរជាតិ៖ ដំណោះស្រាយរបស់អង្គការសហប្រជាជាតិក្នុងការគាំទ្រសមាជិកភាពដល់ប៉ាឡេស្ទីន ត្រូវបានអនុម័តជាមួយនឹងការគាំទ្រដ៏លើសលប់កាលពីថ្ងៃសុក្រម្សិលមិញនេះ ហើយបានផ្តល់សិទ្ធិថ្មីបន្ថែមដល់អាជ្ញាធរប៉ាឡេស្ទីនក្នុងនាមជារដ្ឋសង្កេតការណ៍មិនមែនសមាជិក។
គួរបញ្ជាក់ថា ការបោះឆ្នោតម្សិលមិញនេះប្រទេសជាសមាជិករបស់អង្គការសហប្រជាជាតិចំនួន ១៤៣បានបង្ហាញជំហរក្នុងការគាំទ្រឱ្យប៉ាឡេស្ទីនក្លាយជាសមាជិកពេញសិទ្ធិរបស់អង្គការសហប្រជាជាតិ ដែលក្នុងនោះកម្ពុជាក៏បានបោះឆ្នោតគាំទ្រផងដែរ។ ដោយឡែក ក្នុងនោះមានប្រទេសចំនួន ២៥បានបោះឆ្នោតអនុប្បវាទ ខណៈប្រទេសចំនួន ៩ផ្សេងទៀតរួមមានឆេក ហុងគ្រី អាហ្សង់ទីន មីក្រូនេស៊ី ណាអ៊ូរូ ប៉ាលូ ប៉ាពួញូហ្គីណេ អ៊ីស្រាអែល និងសហរដ្ឋអាមេរិក បានបោះឆ្នោតប្រឆាំងនឹងការចូលជាសមាជិកពេញសិទ្ធិក្នុង UN របស់ប៉ាឡេស្ទីន។
ក្នុងនោះផងដែរ តាមរយៈសំណេរដែលដាក់ចេញដោយប្រទេសអារ៉ាប់រួមបានដាក់ជូនទៅកាន់ក្រុមប្រឹក្សាសន្តិសុខនៃអង្គការសហប្រជាជាតិ និងបានបញ្ជាក់ថា៖ "រដ្ឋប៉ាឡេស្ទីនមានលក្ខណៈសម្បត្តិគ្រប់គ្រាន់សម្រាប់ការទទួលបានសមាជិកភាពក្នុងអង្គការសហប្រជាជាតិ"៕
